ЕДУКАТИВНИ ПРИРАЧНИЦИ

Едукативните интегрирани прирачници за деца од предучилишна возраст се компатибилни со принципите и аспектите на Програмата за рано учење и развој, со примена на холистичкиот пристап во интерпретацијата и анализата на содржините. Активностите се длабоко осмислени со различни илустративни и текстуални креативни решенија за интегрирање на целите и задачите од повеќе воспитно-образовни подрачја од различните аспекти на развојот на детската личност. Прирачниците се погодни за индивидуални активности на децата, за развој според индивидуално темпо и следење од страна на возрасните. Воедно даваат одлична можност за воспоставување интеракција и комуникација на релација дете - дете и дете - возрасен. Исто така сите овие прирачници се одобрени од Министерството за труд и социјална политика за употреба во детските градинки.